எல்லாம் ஞாபகம் வருகிறது கண்ணா...



பாலைவனத்தில்
குளம் கண்டவன் போல்
முத்தமிடுவாய்.

என் உடல் வியர்வு நரம்புகளை
உன் இதழ் கொண்டு வாசிப்பாய்.

காதலாய் இருந்தால்
விலகி ரசிப்பாய்
காமமாய் இருந்தால்
விலக்கி ரசிப்பாய்.

கொப்பூழில் விரலிட்டு
புத்தக முன்னுரையா? என்பாய்.

முழங்கால் வலிக்க இயங்கி
முத்தமிட்டு தாகம் தீர்ப்பாய்.

மூன்று மாதத்தில்
முழுகாமாக்கிருந்தால்
மூன்று ஜென்மம் கூட
காத்திருப்பேன்.
வரும் பெண்களெல்லாம்
என் வயிற்றையல்லவா
விசாரிக்கிறார்கள்.

ஒவ்வொரு மாதமும்
திட்டுத்திட்டாகி திட்டித் தீர்க்கிறது
தீட்டுகள்.

என் அறை நாட்காட்டி
நீ சென்ற தேதியுடன்
நிற்கிறது.

தடவி சுகம் கண்டதாலோ
குளியல் நேரம் நீளுகிறது.

கூட்டுக்குடும்பமாய் இருந்தாலும்
என்னறைக்குள்
தனிகுடித்தனமாய் வாழ்கிறேன்.

என் அறையில் சேர்ந்தால்போல்
முப்பது நிமிடம் அலைப்பேசினால்
நிலவுகாலருகே முன்று முகம் முளைக்கும்.

தெருவில் நடந்தால்
என் நிழலும் ஆணுருவமாய்
பயமூட்டுகிறது.

நீ பணம் பார்க்க
பரதேசம் போனாயே
என்னைச் சுருட்டிக் கொண்டு
போயிருந்தால் தானென்ன....