டிவிட் போடுவது எப்படி...?

         
          தினம் தினம் ஐந்நூறு ஆயிரம் என்று புற்றீசல்  போல் படையெடுத்து வரும் புதிய கீச்சாளார்கள் என்ன டிவிட்டுவது எது எப்படி என்று தெரியாமல் ஒரு பிடிப்பில்லாமல் தன்னந்தனியாக புலம்பிக்கொண்டும்,வழிமுறையில்லையா,தெளிவுரையில்லையா என இருந்தவர்களுக்கு இதோ ஒரு வழிகாட்டி.படித்துப் பயன் பெறுங்கள்(பின் விளைவுகளுக்கு ஒருபோதும் நிர்வாகம் பொறுப்பல்ல).

1.காதல் கவிதைகள்:

        அப்டியே ரெண்டு கை நெஞ்சுக்குள்ள விட்டு இதயத்தை ஒரு பெசஞ்சு பெசஞ்சுவுட்ட மாதிரி காதல் ரத்தம் சொட்ட சொட்ட காதல் கவித எழுதனும்.'கவிதையா..நானா போங்க பாஸ்'னு நம்பிக்கையில்லாம பேசக்கூடாது..4070 4070 க்கு மிஸ்கால் குடுங்க வீட்டுல டேபிள் மேட் வாங்கி போடுங்க 'டொக்..டொக்..டொக்' பாதி தன்னம்பிக்கை வந்துடும் ஆங்.அப்பால காசு கொடுத்தோ,60 ரூவா கட்டி நூலகத்துல சேர்ந்தோ,கடக்காரன் குனியர சமயம் திருடியோ 'அறிமதி,யுகபாரதி,குட்டி ரேவதி இன்னும் பலருடைய கவித பொஸ்தகம் உங்க கையில இருக்கனும்.
     குறைந்தப்பட்சம் ஆறேழு வார்த்தைகள் மிகாமல் இருக்கும்  ஹைக்கூ கவிதைகள் தான் நம்ம டார்கெட்.(ஏன்னா 140 க்குள்ள தான் தீர்ப்புருக்கனும்னு நம்ம நாட்டாமை ஜாக் சொல்றாரு)ஒரு கவிதய ஒரு தடவைக்கு பத்துதடவ படிக்கறப்பவே உங்க ஆழ்ழ்ழ் மனசுல ஒரு கவிதை ஸ்பார்க் ஆகனும்,ஆகும் அத அப்படியே மூளை பட்டறையில வுட்டு பட்டி டிங்கிரிங் பாக்கனும்,கொஞ்சம் கொஞ்சமா மெருகேத்தனும்.இப்ப அந்த கவித டெலிவரிக்கு ரெடி.உடனே ஆர்வக்கோளறுல கபால்னு பாஞ்சு ஃபோஸ்ட் பண்ணிரக்கூடாது,டைப் பண்ணி டிராவ்ட்ல போட்டு வைங்க.இதே மாதரி 10,15 கவிதய அப்டி இப்டி உருட்டி ரெடி பண்ணிருங்க.(அந்நியன் பிரகாஷ்சாட்டம் விதவிதமா யோசிச்சும் ஒன்னும் தேர்லனா படிச்ச கவிதைய அப்டியே டைப் பண்ணி கூச்சமே பாக்காம 'நா.மு டா..யு.பா டா..வாலி டா அடிச்சுட்ருனும்)
      இதுல முக்கியமானது நேரம்.எல்லாரும் சந்துல குத்தவெச்சருக்குர நேரமா பாத்து ரெண்டு கவிதைய தட்டிவுடனும்.ஒன்னு தேர்லனாலும் இன்னோன்னு கண்டிப்பா பிக்கப்பாயிடும் 'சூப்பர் ஜி..உண்ம தான் தல..அருமை தோழரே'னு வர்வங்களா கதற கதற பொட்டியில ஏத்திவுட்டு ட்ரையின் ஓட்ட ஆரம்பிச்சரனும்,அப்பதான் உங்க கவித மேலருக்கும் பளிச்னும் தெரியும் ஆர்டி பேவ் உழும்.உங்கள ஃபாலோ பண்ணாதவர்கள் உங்க ட்ரையின்ல இருக்கவங்கள பாலோ பண்ணலாம்ல,அப்போ அவங்க கண்ணுல அந்த கவித படும்ல.(சில முரட்டு பிரபலங்கள் ஃபவ்ரிட் ஆர்டி பண்ணுவாங்க உடனே காபல்னு ஃபாலே பண்ணிரக்கூடாது ஏன்னா ' இங்காரு..நானெல்லாம் பிரபலம் இன்னும் என்ன நீ பாலோ பண்ணுல'ங்கிறதுக்கான ஹின்ட் அதையும் ரெண்டுநாள் கழிச்சு அன்ட்டு செஞ்சுருவாங்க அது தனிக் கதை).

2.கோயில்,சாமி டிவிட்:

    இது காதல் டிவிட்ஸ் விட ஈசி தான்.'ஏழைகளின் பிரார்த்தனை,பணக்காரர்களின் சிறப்பு தரிசனம்,நெற்றியில் விபூதியிட்ட குழந்தை தெய்வமாய் தெரிந்தால்,பிச்சைகாரர்களின் பாத்திர சில்லறை சப்தமும் கோவில் உண்டியல் சப்தமும் ஒருபோல் கேட்கிறது,நாஸ்திகன் எப்போதும் வீட்டுக்கு தூரம் தான் கோவிலுக்குள் வருவதில்லை,சிலை,கல்,சாமி-னு சும்மா ரவுண்டு கட்டி பல குபீர் பகீர் திடீர் டிவிட்கள தேத்தலாம்.எப்பவும் மவுசு குறையாத டிரன்ட் இது தான்.(இதோட முதியோர் இல்லம்,அனாதை இல்லம் பற்றியும் அஞ்சு பிசாவுக்கு பெறாத பிரபலம்பேருக்கும்,ஆர்டிக்காக கொஞ்சம் எழுதனும்).

3.அப்புறம் என்ன அரசியல் ட்விட் தான்:

1.ஃபர்னிச்சர் மேல கைய வெச்ச முத டெட் பாடி நீ தான்.
2.இதே தான் அந்த டெய்லரும் சொன்னான்.
3.இதுக்கெதுக்கு கால சுத்தி,டேபிள உடச்சு..உஸ் உஸ்..
4.என்னங்க சிவாஜி இப்டி ஆயிடுச்சு.
5.தமிழக மீனவர்கள் செத்தாங்களே அப்போ எங்கடா போனீங்க.
6.பூவ புஷ்பம்னு சொல்லலாம் புய்பம்னு சொல்லலாம்
7.தட்......மொமன்ட்.

வட்டத்திலிருந்து உலக நியூஸ் வரைக்கும் சினிமா,அரசியல்,விளையாட்டுனு நடக்குற சம்பவங்களுக்கு மேலுள்ள கமென்ட்டுகள் முக்கால்வாசி பொருந்தும்.நியூஸ்க்கு தகுந்த மாதிரி தேர்ந்தெடுத்து போடனும்.பொருந்துல பத்துலயா இருக்கவே இருக்காங்க நம்ம கவுண்டர்,வைகை புயல் காமெடி ஒன்னு பொறுக்கி போட்டா போதும் முடிஞ்சுருச்சு.
இதுல பொருமை முக்கியம் குமாரு...இசக்கு பிசகான சட்டம் தன் கடமை செய்ய ஆரம்பிச்சுரும்.பாத்து சூதானமா பண்ணோனும்.

அப்பால,பாட்ட கேட்டோமா படத்த ரசிச்சோமான்னு இல்லாம வருஷக்கனக்கா இசைச் சண்ட நடிகர் சண்ட நடக்குது.நேட்டிவிட்டி இல்ல பன்னிக் குட்டி இல்லனு ஒரு குரூப் கிளம்பும். பதினஞ்சு வருசத்துக்கு முன்னாடியே டொக்கானவர இசையின் ஏக இறைவன் இசைப் பிதா னு ஒரு குரூப் கிளம்பும்.நடுவுல 'சலோமியா' குரூப் இருக்கு அதையும் கண்டுக்கனும்.எந்த குரூப் தோதுபடுதோ அதுல சேந்துகனும்.

அப்புறம்,# கலாச்சாரம்,அறிவோம் ஃபிகர்னு அப்டி அப்டியே சில பல டிவிட்கள் தேத்தனும்.சிலேடை கவிதை,கருத்து,தத்துவம்,நடுநிலை கீச்சுனு கொஞ்சம்.முக்கியமான கட்டம் இல மறவா காய் மறவா சில 'அந்த' டிவிட்களும் போடனும்.வக்கிரம்,உக்கிரம்,சக்கரம் னு கிளம்புவாங்க அவங்ள பால்வாடி பீப்புள்ஸ் னு  தட்டிவுட்கார வெச்சுடுனும்.நடுவுல மானே தேனே மாதிரி 'உஸ்ஸ்..கிர்ர்..பிர்ர்..த்தூ' ட்ரையின் ஓட்டறப்போ சேத்துகனும்.அப்புட்டுதான்.அபபுறம் என்ன...தீயா வேல செய்னும் கொமாரு....___/\___