ராஜா ஆறு வயது சுட்டி பையன்.அவன்,தாத்தா பாட்டி அப்பா அம்மா என்று கூட்டுக்குடும்பத்தில் சந்தேஷமாக இருந்தான்.ராஜாவைப் பற்றி அவன் அம்மா வீட்டுக்காரர்களிடம் ' ராஜா சுட்டிப்பையன் அவன் அப்பாவைப்போல,பால் போன்ற வெள்ளை மனசு,கணக்கு பாடங்கள் அவனுக்கு தண்ணீப் பட்டப்பாடு அடிச்சிப் பிண்ணிபுடுவான்' என்று பெருமை பொங்குவாள்.
ஒருநாள் நடுஇரவு ராஜா தூங்கும் அறையிலிருந்து ' வீல்' என்று அலறல்.எல்லாரும் பதட்டமாக சென்று அவனிடம் என்ன என்று கேட்கையில் கண்ணீர் ததும்ப ' தாத்தா இறந்ததுப்போல் கனவு பயந்துவிட்டேன்' என்றான்.குடும்பமே ஸ்தம்பித்துப்போக ராஜாவின் அப்பா ' மகனே! கனவில் நடப்பதெல்லாம் நிஜ வாழ்க்கையில் முழுவதுமாக நடக்காது தாத்தாவை பார் நன்றாகவே இருக்கிறார் நீ பயப்படதே' என்று சமாதனம் செய்தார்.அனைவரும் உறங்க செல்ல தாத்தாவிற்க்கு பயம் நெஞ்சில் நண்டுப்பிடிக்க தொடங்கியது.
மறுநாள் காலை.ராஜாவின் கனவு பலித்தது.தாத்தாவை புதைத்து விட்டு ராஜாவின் கனவை நினைத்து குடும்பமே பீதியில் உறைந்திருந்தது.சில மாதம் கடந்த பிறகு மற்றொரு நடுஇரவில் மீண்டுமொரு 'வீல்'. இம்முறை ராஜாவின் கனவு டார்கெட் அவன் பாட்டி.ராஜாவின் அப்பா ' பயப்படாதே தாத்தாவிற்கு எதாரத்தமாக நடந்தது பாட்டிக்கு ஒன்றும் ஆகாது நிம்மதியாக தூங்கு' சமாதானித்தார்.பாட்டி நெஞ்சில் ஐஸ் கத்தி.
கனவு பிசகாமல் பலித்தது. பாட்டி நடையகட்டிவிட்டாள்.ராஜாவிற்கு மீண்டும் கனவு வருமா? அடுத்த டார்கெட் யார்? ராஜாவின் குடும்பம் பயத்தில் தலைகீழானது.ராஜா அப்பா அடுத்தது தான் தானோ நம் குடும்பத்திற்கு ஏன் இப்படி யாருக்கு என்ன பாவம் செய்தோம் எப்போ யாருக்கு என்ன நடக்கும் என்று தினமும் புலம்பி தள்ளினார்.
அந்தநாளும் வந்தது.மற்றுமொரு இரவு 'வீல்' என்று அலறிய ராஜாவிடம் அழுகையுடன் 'என்ன யாரு' பதட்டமாக அவன் அப்பா கேட்டார்.ராஜா ' ரத்தம் கக்கி பயங்கரமாக நீங்க இறந்து போவதுபோல் ஒரு கனவு அப்பா' என்றான்.கேட்ட ராஜாவின் அப்பா பாதி இறந்தார்.இது என்னடா எனக்கு வந்த சோதனை இப்படி அற்பாயிசாக செத்துப்போக வேண்டுமா? மனைவி கூட ராஜாவிற்கு தம்பியோ தங்கையோ எற்பாடு செய்ய வேண்டியதை பற்றி நேற்று பேசிக் கொண்டு இருந்தாளே? அவ்வளவு தானா என் வாழ்க்கை இன்றே கடைசியா?
இப்படி புலம்பி கொண்டே விடியும் வரை ஜாக்கிரதையாக இருந்து இந்த கனவை எப்படியாவது பொய்யாக்க வேண்டும் நினைத்தவாரே கிடந்திருந்த ராஜா அப்பா ஒரு கட்டத்தின் மேலே தன்னை மறந்து உறங்கிப்போனார்.
காலை 6 மணி.ராஜா அப்பாவிற்கு ஒன்றும் நடக்கவில்லை.மனைவி மகன் இன்னும் தூங்கி கொண்டிருக்க அவருக்கு கனவை வென்றுவிட்ட சந்தோஷம்,மரணத்தை தோற்க்கடித்த அகம்பாவம்,நிம்மதி.டீ தயாரித்து மனைவியை சர்ப்ரைஸாக எழுப்ப நினைத்தார்.அதற்காக கேட்டின் கட்டிய பையில் இருக்கு பால் பாக்கெட் எடுப்பதற்காக சீட்டி அடித்தப்படி வந்து வாசல் மெயின் கதவை திறக்க அங்கே கண்ட காட்சியில் ராஜாவின் அப்பா அப்படியே உறைந்து போனார்.
" கேட்டின் அருகே பால்காரன் ரத்த வெள்ளத்தில் இறந்து கிடந்தான்".
No comments:
Post a Comment